بالفيديو- سجال حاد بين يعقوبيان والسيد: "دولة الرئيس سَكِّتها"

وخلال كلمته، تحدث السيد عنه قبل جلسة اليوم، تحركت جمعيات وسفارات أمس واتّصلت بنواب ومراجع وحرّضت على إضرابات للضغط على هذه الجلسة، وقال: "أنا أعلم والكلُّ يعلم نوع المساعدات التي تأتي إلى جمعيّات تنتمي إلى قوى سياسية ونواب وغيرهم، ولن نتحدث بالأسماء".

عندها، ردّت يعقوبيان بالقول: "يا ريت منحكي بالأسماء.. إنت جريء.. أنا عندي جمعية وما باخد دولار من ولا محل.. ما باخد إلا مساعدات عينية، وممكن كون عم بنطال".

هنا، ردّ السيد بالقول: "بس سميك بتجاوبي.. دولة الرئيس سكتها". بدورها، قالت يعقوبيان: "سكتت لحالي.. يا عيب الشوم 100 مرة بتقاطع".

السيد ردّ هنا قائلاً: "يلي مسلة تحت باطو بتنعرو".. يعقوبيان، ردّت: "ما في مسلة تحت باطي.. المسلة تحت باطك مش تحت باطي".

على الأثر، ردّ السيد بالقول "ما حدا جيب سيرتك"، لتطالعه يعقوبيان بالقول: "سمى الجيرة وسمى الحي.. شو هالحكي.. ما حدا يقرب عليي على هالموضوع".

هنا، قال رئيس المجلس النيابي نبيه بري ليعقوبيان: "فيك تسكتي؟".. عندها، ردت الأخيرة بالقول: "ما رح اسكت.. إنت عارف انو هو قاصدني.. ما حدا بقول سكتي.. عيب يحترم حالو المجلس".