كارمن لبس تستعيد ذكرياتها مع زياد الرحباني برسالة مؤثرة بعد شهرين على رحيله

نشرت الفنانة كارمن لبس عبر حساباتها الرسمية على مواقع التواصل الاجتماعي مقطع فيديو مؤثر وجّهت فيه رسالة للراحل زياد الرحباني بعد مرور شهرين على وفاته.

واقتبست لبس عبارة من أغنية فيروز الشهيرة "عندي ثقة فيك"، التي كتبها ولحنها زياد الرحباني، وكتبت: «كل الجمل عم تنتهي فيك».

كما كشفت كارمن عن صور ورسائل رومانسية من زياد الرحباني، كتبها لها خلال فترة علاقتهما، مأخوذة من صندوق ذكرياتها معه.

وفي رسالتها، عبرت عن مشاعرها العاطفية وما تعيشه من صراع داخلي منذ رحيله، قائلة: «بتعرف بس تعيش وهم إنك سكرت صفحة حبك الأول، وبعدين تكتشف إنو الصفحة بعدها مفتوحة بكل جروحاتا؟ سنين عم قول اتخطيت، بس بنفس الوقت كنت عم إسأل: ليه؟ آخر "ليه" كانت ليه ما بدك تشوفني؟ عرفت بعدين، وبعد ما فات الأوان، إنو ما بدك تشوفني بهالحالة، يمكن ما كنت بدك تشوفني وأنا عم شوفك هيك».

وأضافت معبرة عن شوقها له: «اشتقتلك، وعرفت إنك اشتقتلي بس ما قلتلي. قالولي كنت تسأل عني، بس يا ريت سمعتا منك. قلتلك بغيابك فضي البلد، بس وقت إنت رحت حسيت أنا فضيت، حسيت كل شي بقي معلق».

واختتمت لبس كلماتها بمزيج من الحنين والأسى: «في أسئلة ما حدا جاوب عليها، وذكريات ما بتتمحي. كنت إهرب من سيرتك مش لأن ما بدي إياها، بس بخاف حس إنها أحلى سيرة. كل شارع وكل زاوية وكل مطرح بذكرني فيك. حبيتك وبعدني بحبك، وبعدا كل الجمل عم تنتهي فيك».

المصدر : وكالات