كتب الناشط السياسي المهندس شكري مكرزل: سؤال بريء… من إمتى حرق المدارس ونهب المحلّات صار نضال؟ وين الـliberté والـdémocratie واحترام حقوق الآخرين؟ Le droit de manifester n’est pas un permis de détruire. وبالمقابل، السلطة اللي بتتجاهل الظلم وبتستعمل الفوضى لتتهرّب من مسؤوليتها لازم تتحاسب كمان.
نحنا بلبنان دفعنا غالي لمّا صار وطننا ساحة لمشاريع غيرنا: من تجاوزات التنظيمات الفلسطينية المسلّحة، لوصاية النظام السوري، للنفوذ الإيراني عبر حزب الله… وبمشاركة زعما لبنانيين قدّموا مصالحهن وولاءاتهن على سيادة البلد. وبين المحاصصة والسرقة والتشبيح — clientélisme, détournement de fonds et intimidation — تقاسموا المؤسسات ومقدّرات الدولة، وابن البلد تهجّر من بيتو أو اضطرّ يهاجر، وغيرو صار يقرّر مستقبلو. هني تقاسموا النفوذ، ونحنا دفعنا الثمن.
فرنسا إلها ظروفها المختلفة، بس الدرس واضح: La souveraineté ne se négocie pas. L’impunité ne doit pas devenir la règle. القانون لازم يطال الكل: لا الغضب بيعطي حصانة للتخريب، ولا الكرسي بيعطي حصانة من المحاسبة. بدنا دولة قرارها بإيدها، والسلاح تحت سلطتها وحدها، ومؤسساتها لخدمة الناس، مش للمحاصصة والسرقة والتشبيح. المواطن صاحب حقّ ببلدو، مش رهينة زعيم، ولا وقود لمشروع خارجي.